Эта очень значимая молитва! Прочтите ее в день святой Варвары и Вы будете услышаны!
Великомученица Варвара Св. Варвара любила созерцать красоту мира и начала размышлять так: «Кто же сотворил такой прекрасный мир, и кто так премудро управляет им? Не боги же, которым служит мой отец и которые сами сделаны руками человеческими?» Когда Варвара достигла совершеннолетия, Диоскор хотел выдать ее замуж, но она начала отказываться, потому что только о том и думала, того и желала, чтобы узнать ближе Бога, Создателя Вселенной, и ее не занимали удовольствия и мирские блага. Отец решился дать дочери свободу выходить, куда ей угодно, думая, что она, увидев замужних женщин, пожелает вступить в брак, а сам отправился в далекий путь по делам. Тем временем св. Варвара познакомилась с девушками-христианками и крестилась. Решившись посвятить себя Богу, она начала строго поститься и много молиться. В строившейся по приказанию отца бане велела устроить три окна в честь Святой Троицы и изобразила крест на мраморе. Отец, увидев все это, разгневался на дочь, а она стала убеждать и его самого принять христианскую веру. Диоскор бил Варвару и, представив к правителю области Мартину, сказал: «Если она не обратится к нашим богам, то она мне не дочь, и я ей не отец. Суди ее как изменницу отечественной вере». Правитель жестоко избил Варвару и заключил в темницу. Здесь явился ей Господь и исцелил ее. Правитель, призвав Варвару, сказал: «Видишь ли, как наши боги заботятся о тебе, — они исцелили тебя». «Не ваши боги исцелили меня, а Господь Иисус Христос, Которому вы не поклоняетесь и за Которого я готова пролить свою кровь», -отвечала Варвара. Правитель велел снова мучить ее. Видевшая мучения св. Варвары благочестивая женщина Иулиания не могла удержаться от слез и стала обличать правителя в жестокости и неверии. Тогда предали мучению и ее вместе с Варварой и обеих осудили на смерть. Св. Варвара, идя на смерть, молилась Богу, чтобы Он избавил от внезапной смерти тех, которые будут вспоминать ее и ее страдания, и был ей голос с неба, обещавший исполнить прошение ее. Сам отец отсек голову Варваре, а Иулианию умертвил воин. Некий благочестивый муж похоронил мощи святых мучениц и построил над ними церковь. Впоследствии мощи св. Варвары были перенесены в Константинополь, а потом в XI в. в Киев. При мощах нет главы. Мощи почивают в Киево-Михайловском соборе. Часть мощей — палец — хранится в Москве в церкви имени святой мученицы, на Варварке. Часть мощей св. Варвары есть на Афоне. Части мощей св. Иулиании хранятся в Почаевской обители и на Афоне. Молитва Святой великомученице Варваре Преподобный Иоанн Дамаскин
Молитвы ко святой великомученице Варваре
Молитва первая
Святая славная и всехвальная великомученице Варваро! Собраннии днесь в храме твоем Божественном люди, раце мощей твоих поклоняющиися и любовию целующии, страдания же твоя мученическая, и в них самого Страстоположника Христа, давшаго тебе не точию еже в Него веровати, но и еже по Нем страдати, похвалами ублажающе, молим тя, известная желания нашего ходатаице: моли с нами и о нас, умоляемаго от Своего благоутробия Бога, да милостивно услышит нас, просящих Его благостыню, и не отставит от нас вся ко спасению и житию нужная прошения, и дарует христианскую кончину животу нашему — безболезненну, непостыдну, мирну, Божественных Тайн причастну, и всем, на всяком месте, во всякой скорби и обстоянии требующим Его человеколюбия и помощи, великую Свою подаст милость, да благодатию Божиею и твоим теплым предстательством, душею и телом всегда здрави пребывающе, славим дивнаго во святых Своих Бога Израилева, не удаляющаго помощи Своея от нас всегда, ныне и присно, и во веки веков, аминь.
Молитва вторая
Премудрая и всекрасная святая великомученице Христова Варваро! Блаженна еси, яко Премирная мудрость Божия плоть и кровь не яви тебе, но Сам Бог Отец Небесный, Иже тебе, верь ради от невернаго отца оставленную, изгнанную и умерщвленную, в дщерь Себе возлюбленную прият; за тленное земнаго имения наследие плоти нетление дарова; труды мученическия упокоением Небеснаго измени Царствия; временное твое житие, смертию Его ради пресеченное, сицевою воспрослави почестию, яко душу с лики Небесных вчини духов, тело же, на земли в храме их ангельском положенное, ангелом заповеда сохранити цело, честно и многочудесно. Блаженна еси, Христу Сыну Божию, Жениху Небесному, уневещанная Дево, Егоже доброты твоея Рачителя имети желающи, всю себе страданием, ранами, удов резанием и самыя главы усечением, аки тварьми дражайшими, потщалася еси украсити: да тако, яко жена, верна главе своей — мужу, Христу духом и телом соединишися неразлучно, глаголющи: обретох, Егоже возлюби душа моя, удержах Его и не оставих Его. Блаженна еси, яко Святый Дух на тебе почил есть, имже духовными духовная разсуждати научена, вся духи лукавствия во идолех яко пагубныя отринула еси и Единаго Бога Духа познавши, яко истинная поклонница, духом и истиною кланятися изволила еси, проповеднически глаголющи: “Троицу чту, Едино Божество”. Сию Святую Троицу, Юже в животе и смерти исповеданием и страданием своим прославила еси, умоли о мне, предстательнице моя, яко да и аз всегда тройственною веры, любве и надежды добродетелию. Туюжде Святую Троицу почитаю. Имам светильник веры, но празден благих дел елеа: ты, мудрая дево, страдальческую плоть твою, крове исполненную и ранами проливающуюся, аки светильник имущая, даждь от елеа твоего, да тем душевную мою свещу украсивши, сподоблюся по тебе в Чертог Небесный. Пресельник аз есмь на земли и пришлец, якоже вси отцы мои; благ вечных наследнице и блаженная вечери в Царствии Небеснем причастнице, яко в странствии жития, Трапезы Божественныя угодения, сице и во исходе от мира желаемаго сподоби мя напутствования; и егда в конец сном смерти начну усыпати, коснися тогда изнемогающия плоти моея, яко иногда Ангел Илии, глаголющи: востани, яждь и пий: яко да благодатию Божественных Тела и Крове Тайн укреплен преиду в крепости яди тоя далекий путь смерти, даже до Горы Небесныя: и тамо, Егоже ты чрез три окна банныя прежде верою Бога Троицу узрела еси, Сего купно с тобою лицем к лицу да удостоюся видети и славити Его в некончаемыя веки. Аминь.
Молитва третья
Святая великомученице Христова Варваро! Моли с нами и о нас, рабах Божиих (имена), умоляемаго от Своего милосердия Бога, да милостивно услышит нас, просящих Его благостыню, и не отставит от нас вся ко спасению и житию нужная прошения, христианскую же кончину жития нашего безболезненну, непостыдну, мирну и Божественных Тайн причастну да дарует, да благодатию Божиею и твоим теплым предстательством, душею и телом всегда здрави пребывающе, славим дивнаго во святых Своих Бога Израилева, не удаляющаго помощи Своея от нас, всегда, ныне и присно и во веки веков.
Молитва четвертая
К тебе, яко ко истинному скораго исцеления и многочуднаго врачевания источнику, святая дево Варваро великомученице, аз немощный прибегаю и к твоим святым мощам усердно припадая, молюся: виждь раны греховныя и всетелесную язву, виждь неможение души моея, и сие, обычным твоим милосердием и благостию понуждаема, исцелити потщися. Вонми гласу моления моего, не призри от окаяннаго ми сердца приносимое стенание, и вопль мой услыши, яко ты еси мое прибежище. Святую, единосущную и неразделимую Троицу, юже треми окнами в бане отеческой созданными изобразила еси, о мне грешнем и нетерпеливом рабе твоем моли, да помилует мя ныне и в день смерти моея. Поклонися Отцу Небесному: да мя, всеми грехми преклоненнаго и низу поверженнаго, воздвигнет на славословие Свое, и устроит мя всегда горе имети сердце, горняя мудрствовати, а не земная. Умоли Христа Сына Божия, иже молитву твою страдальческую в темнице услыша, да мя лениваго к молитвам, и во унынии мнози, аки в темнице седяща, к скорому течению путем заповедей Божиих наставит и подаст непрестанно молитися усердное хотение. Призови и Духа Святаго, чистоты неизнуряемаго Источника, в подвизе страдальческом тя, чистую деву, укрепляющего и от стыда крылома Своими защищающаго, яко да и мне студному и нечистому, сердце чисто созиждет и дух прав обновит во утробе моей: паче же да призовет ми и подаст усердно подвизатися в житии чистом и укрепит мя на творение благих дел. Верую, яко вся сия можеши мне, о святая великомученице Варваро, у Пресвятыя Троицы исходатайствовати: и аще восхощеши, сильна еси помощи мне, яко прославившая Бога во удесех твоих страдальческих. И вем, дево святая, яко ничтоже тебе невозможно, токмо аще не презриши слез и воздыхания моего: сего ради к честней святых мощей твоих чудотворных раце припадаю и тебе, на небеси душею пребывающей, поклоняяся, дерзаю молитвенно глаголати: да будут уши твои внемлюще гласу молитвы моея. Многострадальное твое тело да уврачует многия души и тела моего страсти. Глава твоя, мечу преклоненная, да даст главе моей воду чистительную грехов. Власи твои, немилостивно торганнии, да привяжут мя к любви Божией. Устне твои честнии да заградят уста моя от празднословия и отверзут всегда возвещати хвалу Господню. Очи твои, видящие свет троический, да узрят и мое во благих желание, яко да бых и аз отвращал очи мои, еже не видети суеты, но всегда взирал на блаженство небесное. Рука твоя отсечена да удостоит мя всегда воздевати руце к Вышнему и несплетати ими льщения. Сосца твоя, нещадно урезанная, да будут ми столп от лица вражия крепкий. Нози твои, скорошествующии со светлою свещею в чертог Божий к Жениху Небесному, да сотворят, яко да и аз ногама моима шествую ко всякому делу благу: да будет светильник ногама моима шествую ко всякому делу благу: да будет светильник ногама моима закон Господень и свет стезям моим. Раны твоя от ран греховных да свободят мя. Кровь твоя, многократне в мучении проливаемая, да очистит душу и тело мое от всякия скверны. Смерть твоя да не даст ми без исповедания и покаяния умрети: ибо аще в коем благодетельстве прославляема еси, но в сем наипаче, яко всяк, имеяй надежду на тя и выну в помощь призываяй тя, от наглыя избежит смерти, от неяже и мене окаяннаго избави, дево чистая, великомученице Варваро, и всемощными твоими молитвами удостой мя одесную Христа Сына Божия стати и слышати глас глаголющий: “благий рабе и верный, вниди в радость Господа твоего”. Аминь.
Тропарь великомученице Варваре
Тропарь, глас 8 Варвару святую почтим: вражия бо сети сокруши и, яко птица, избавися от них, помощию и оружием креста, всечестная.
Тропарь, глас 4 Агнице всеблаженная Варваро, божественне озарившися светом Святыя Троицы трисолнечным и в купели утвердившися в побеждение лести отеческия, веру исповедала еси Христову. Тем, всечестная, свыше благодать тебе дарова Бог, исцеляти недуги и болезни вся: Егоже моли, великомученице, да спасет души наша.
Кондак, глас 4: В Троице благочестно певаемому, последовавши Богу, страстотерпице, идольская притупила еси чтилища: посреде же подвига страдальчествующи, Варваро, мучителей прещения не устрашилася еси мужемудренная, велегласно поющи присно: Троицу чту, едино Божество.
Источник: calendareveryday.ru
Понравилась статья? Поделитесь с друзьями на Facebook:
